اروع سفة شعرية بمذاق بسطيلة بالصور

السلام عليكم اليوم جبت ليكم جاراتي لحبابات اروع سفة شعرية

بمذاق بسطيلة بالصور كتجي لذيذة و بنينة

و بغيتكم توجدوها رها كتحمق 

كناخدو 1kg شعرية لفوار ندهنوها مزيان بالزيت ونديروها في كسكاس تفور نخليوها تفور مزيان ونحيدوها من الكسكاس ونكبو عليها الماء سخون والملح ونفكوها بيدينا نتركها قليلا ثم نردوها للكسكاس تفورنعيد العملية حتى ترطاب فالأثناء ل كتكون شعرية تفور نديرو زيت في الكوكوت وأطراف الدجاج أو دجاجة كاملة ثم نضيف بصلتين مشلضين نقليو شوية ثم نضيف التوابل والملح نقليو شوية ثم نمرق ونضيف قسبر ومعدنوس مفرومين ونسدو الكوكوت مين يطيب الدجاج نحيدوه و نخليو المرقة تجمر شوية ثم نزولو زلافة ليال المرق ونشحرو الباقي حتى تبقا غ البصلة نضيف فوقها البيض ونحركو مزيان
كناخدو اللوز مقلي نطحنوه مع سنيدة نخليوه شوية حرش ونخليو قليل من اللوز مفرفش بلا سنيدة نزوقو بيه
أترككم مع الصور

هده الشعرية مين كملتلها لفوار

هده المقادير ل غد نزوق بيها السفة

كنخدو شعرية لفورنا كناخدو منها شوية نضيفولو سكر كلاصي و الباقي ديال شعرية كنديرو معاه المرقة ل خليناها
كناخدو طبسي نديرو طبقة الأولى شعرية لسقيناها بالمرقة ثم نضيف البصلة و البيض ثم نبلعوها بطيقة رقيقة ديال شعرية مسقية ثم نحطو فوقها الدجاج مفتت ثم طبقة رقيقة ديالشعرية لمسقية ثم اللوز ونبلعوها بشعرية لل فيها سكر كلاصي و نزينوها كبغينا أنا ديرت الفوق مربعات بالقرفة وعمرتهوم باللوز و في الجناب ديرت البيض و الزبيب مفور

Posted in: شهوات