ليلة الدخلة سؤال كايتطرح في بال كل بنت مقبلة على الزواج و كاتكون خايفة او مرتبكة و كاتكون عندها عدة افكار قبلية كلها مغلوطة و للاسف هذه الافكار هدامة و غادي تأثر على الحياة الجنسية للمراة من بعد .
ليلة الدخلة : من يجيب عن أسئلتك
اول نصيحة نقولها لكل مقبلة على الزواج ايلا باغا تطلبي النصيحة حول ليلة الدخلة طلبيها من ماماك او اختك الكبيرة فقط، اما الصديقات فاغلب اراءهم كذب و كل وحدة كاتحاول تمثل انها عاشت ليلة احلام و مواضيع الانترنت تنقسم الى قسمين
**اولا : قسم يصور ليلة الدخلة على انها ليلة وردية و تمر في اجواء افلام و ورود و شموع و هذا غلط
**ثانيا : مواضيع تصور ليلة الدخلة على انها ليلة ألم و دم و استغلال للمرأة و هذا ايضا غلط
اختي ليلة الدخلة هي ليلة عادية، كايكون فيها بعض الضغط النفسي لكن خاصك تعرفي ان راجلك حتى هو عليه الضغط.
ليلة الدخلة : كيفية الاستعداد
* للاستعداد لهذه الليلة فانت لست بحاجة لتخيل التفاصيل او لمعرفة الوضعيات الجنسية لان كلشي السيناريوهات اللي غادي تتخيلي ماغاداش تطبقيهم اذن ماتتخيلي والو.
* قبل الزواج باسابيع ابدئي الاهتمام بنظافة منطقتك الحساسة و استحمي يوم الزفاف و صلي و اطلبي من الله يجعلو زواج مبارك.
* خلي عندك ثقة عالية بنفسك ، ماتتعقديش نهائيا من شكل الجهاز التناسلي او من سواد المنطقة الحساسة راه حتى الرجال عندهم سواد المنطقة و راه الرجل لا يرى التفاصيل، راه ايلا فيك خطوط الغلض ولا اثر شي حبوبة صغيورة راه انتي فقط اللي كاتشوفيه اما الرجل فلا يرى التفاصيل يعني غادي يشوف لباسك و شعرك و ريحتك لكن ماغاديش يبانلو الكحل مخربق شوية ولا ضفرك مهرس ولا فيك حبوبة، اذن خليثقتك بنفسك عالية.
و اثناء الدخول بك راه هو عارف اشنو خاصو يدير لانه مامطلوب منك والو اول مرة . البنت من المفروض أنها تكون ماعارفاش كولشي
ليلة الدخلة : الألم عند الممارسة
الكثير يتحدث عن الألم و هنا يجب ان تعرفي اختي حقائق علمية
* غشاء البكارة راه اصلا به ثقب او ثقبين او عدة ثقوب صغيرة و هي الثقوب التي تسمح بمرور دم الحيض ، يعني الايلاج يوسع فقط هذا الثقب الموجود اساسا
* غشاء البكارة دقيق جدا جدا في اغلب الحالات لدرجة ان افتضاضه قد لا يحدث اي ألم نهائيا و صدقوني ان قلت ان ألم الحيض اشد من ألم ليلة الدخلة
ما يسبب بعض الألم ليس هو غشاء البكارة و انما عضلة هيجل، عند مدخل المهبل توجد مجموعة عضلات تسمى عضلات هيجل و هذه العضلات البنت عمرها ما استعملتهم اذن اول مرة كاتستعملهم كاتحس ببعض الألم.
فالامر بسيط ايلا عمرك ماجريتي و شي نهار خرجتي جريتي بزاف غادي تحسي بألم في عضلة القدمين و السبب ان العضلة لم تستعمليها من قبل بشكل كافي لكن مع اعادة الاستعمال غادي ينتهي الألم
هو تماما نفس المبدأ، دائما اشبه عضلات المهبل بلاستيك ديال الشعر، فاش كاتشريه كايكون صغير و ضيق غير تستعمليه جوج ولا ثلاث مرات كايتوسع و بالتالي حتى انتي اختي بعد علاقة او اثنتين غادي تتوسعي و ينتهي الالم تماما
ليلة الدخلة : الصباح الموالي
نهار صباحك، ماكاينش ألم كبير بدليل ان العرايسات كايروحو بالليل و مع الصباح كايكونو دايرين الماكياج و واقفين يستقبلو العائلة ديالهم، غادي تحسي فقط بحال حريق البول.
في النهاية اقول لكي اختي ان الوقت تقدمت و مابقاتش العجوزة واقفة عند الباب تتسنى السروال يخرج، راك بوحدك انتي و راجلك و ايلا ماقدرتيش على الدخلة في نفس الليلة ممكن تتوقفي و تكملي ثاني يوم و ثالث يوم حتى تتم الدخلة في حسن الظروف لانه حتى الرجل قد يحس ببعض الالم ليلة الدخلة بسبب الضغط الذي تحدثه عضلة هيجل على عضوه التناسلي غير الرجال ماكايرضاوش يقولو راه حسيت بالألم و احنا كانبقاو نتباكاو واخا ماكاين ألم .
الموضوع للجارة حنان ، ونتمنى الموضوع يكون جاوب على كل اسئلتك اختي و الله يجعلو زواج مبروك
إذا كانت لديك تساؤلات أخرى تفضلي بطرحها في تعليق ، وسنقوم بالاجابة عنها في أقرب وقت .
ولا تنسي مشاركة الموضوع مع صديقاتك
0 commentaires:
Enregistrer un commentaire