كريم كراميل سهل واقتصادي بالحليب السائل

لتحضير كريم كاراميل نحتاج :

نص لتر حليب

كاس قريب لعمارة سنيدة

2 بيضات

ساشي فاني

2 معالق كبار نيدو (اختياري)

الطريقة :

نوضعو لحليب او ساشي فاني فكاسرول فوق النار حتى يغلي نوضعوه

 على جنب حتى يدفا نطربو البيض مع نيدو و سنيدة

او نبقاو نزيدو لحليب بشوية بشوية و حنا تنطربو غي بيدينا

فكاسرول نوضعو كاس سنيدة نوضعوه فوق النار حتى يولي كاراميل نوزعه فكؤوس اللي تيدخل لفرن

نوزع خليط الحليب فكؤوس نوضعوهم فمقلاة نوضع فيها ماء غليان

 يطيبو على طريقة حمام مريم ندخلوهم لفران يكون سخون من قبل نقصو 

عليهم لعافية بحال لكيك حتى يطيبو على خاطرهم

هدا شكلهم مين طابو مين يبردو ندخلوهم للثلاجة مدة 6 ساعات على الاقل

مين يبردو مزيان ندوزو راس لموس فجناب لكراميل باش يتقلب لينا بسهولة فطبق و يزين باورق النعناع

او يمكن لينا نقدموه بهاد الطريقة لوليدات نرشوه من فوق بحبيبات الشكلاط الملونة

بالف صحة و عافية

Posted in: شهوات, شهيوا ت